الحب دة قضية

[url=http://www.0zz0.com][img]http://www4.0zz0.com/2008/12/07/01/928128658.jpg[/img][/url]

الحب دة قضية

اه والله قضية بنفضل نتحاكم عليه من بدايته لنهايته

وكأنه تجارة ياخسرت فيها ياكسبت

تخيلوا كدة معايا لما ندخل محكمة

وتدارى ورا القضبان وتكون مستنى الحكم

القاضى يقولك محكوم عليه بالحب مدى الحياة

.........................

عارفين معنى ال ح و ب عارفينه من الالف ل ى

حرفين لما نجمعهم مع بعض يدونا كلمة واحدة

بس الفرق ف الاستغلال ... انك تستغل الحرفين دول صح

.........................

بيفوت ع العين ويصحيها من عز النوم

فعلا هو دة اللى بيقولوا عليه بيفوت ع العين ويصحيها

المشكلة بقة مش فى انه يصحيها بس لا دة بيعميها كمان

ويارتنا محبينا ....

وعجبى

...........................

كأنك ماشى فى شارع واسع ومرة واحدة لقيت حارة سد

اهو الحب دة بقة عامل زى الحارة السد

اللى بيدخل فيها ميعرفش يخرج براها والله اعلم

...........................

فى حاجات ياما وهى معانا مش بنفكر ابدا فيها

غير لو ضاعت نبتدى نندم ونعيش نحلم نرجع ليها

زى مقال الاستاذ عمر ودياب بالظبت كلامه مظبوت ع فكرة

لما تحب بقة وتتوكل ع الله وتدخل المحكمة برجليك

حبيبك يديك صابونة وبعد متاخد الصابونة

اذ فجأة تلاقيه عرف قيمتك ومرة واحدة تلاقيه حبك اوى

ومش قادر يعيش من غيرك تب ليه من الاول ياسيدى

ولا الصابون ساعتها كان رخيص ....

وعجبى ع اللى دخل المحكمة ومعرفش يخرج منها

... .................

[url=http://www.0zz0.com][img]http://www4.0zz0.com/2008/12/07/01/582169056.jpg[/img][/url]

الفكرة ف ايه بقة انك تكتشف فعلا ان حبيبك اللى زحلقك بيحبك فعلا

والمشكلة الاكبر انك ف الفترة اللى سابك فيها تكون اتغيرت اوى من جواك من ناحيته

...حبيته اه ولسة بتحبه اه ومش هتحب غيره اينعم

بس مش هتقدر ترجعله لانه كسرك وخلاك تدوس ع قلبك بالصابونة عشان تنساه .

[url=http://www.0zz0.com][img]http://www4.0zz0.com/2008/12/07/01/543558677.jpg[/img][/url]

مش هقدر اقول نرجع تانى ولا هفضل اعيش انا وحدانى

الدويتون دة فوق الفزيع ع فكرة

لا حكمة حكمة يعنى .... مهى الدنيا دى كدة ياابيض يااسود

مفيش الوان دة يمكن بالنسبة لى هحاول ادور ع حتة رمادى بقة يمكن اقدر .

وعجبى ع اللى جه يلون حياته ملقاش فرشة عدلة

. ........
اللى بينا نص حالة نص للى حب اللى يمكن نصها التانى استحالة

ودة الاصعب انك تلاقى كلمة استحالة ف حياتك

وتكون عايش بنص حالة ياه

نص ضحكة نص فرحة نص راحة .

نهاية بلا وداع

منذ ثلاث سنوات بدأت قصة حب كان البعض يصفها "بروميو وجولييت" وكأن هذه القصة تشبه تلك القصص التاريخية فى مصداقيتها ,,,,

كانت توصف بالصفاء والبعد عن الشوائب تلك الشوائب التى تعكر صفو الاحباء ..أحباء لاخر العمر وكأنهم ولدوا وهم يعلمون ان كلا منهم ينتظر اللقاء .

هذا الحب الذى بدأ وبدأت معه روايتنا رواية الاشقاء , لاتتعجبوا من كلمة اشقاء فهى خير وصف لروايتنا .

كل ماأخذ اهتمامى فى هذه الرواية هو نهايتها ولكنها بلا وداع , وداع صامت ياله من دواع مفجع . ترك روميو حبيبته جولييت

دون ان يتفوه بكلمة ... اين نهاية الرواية ...كيف يحق لك ياشبيه روميو أن تترك حبيبتك صماء عمياء

لم تستطع سماع صوت خروجها من قلبك ولم تراك ولو لمرة واحدة حتى تعتبره وداع ؟؟

فماهذا الوداع الغامض ؟؟أين انت ياروميو لتنهى روايتك؟

احساس يزول وقلب يهوى

تمر الايام والساعات والدقائق ونحن نبحث عن الحب ..فهو مثلما يقول البعض مصدر للسعادة

الحب الذى يطوف بنا ليلا ويحيط بقلوبنا فى جميع الاوقات .

الحب كبداية احساس طاااغى يطغى على قلوب الاحبة ...له رونق وبهجة واهتمام زائد من كلا الطرفين

وفى منتصفه يبدا العد التنازلى للاحاسيس المتدفقة .....ثم يبدا ف الصعود مرة اخرى.

وبعد ذلك ينتهى الحال بموت الحب ... تدبل مشاعر الحب التى كانت تملؤها الفرحة والبهجة

وفى نهايتة ...مأساه...لاتدركها القلوب التى احبت وكانت تخلص ف مشاعرها

فياليتنا نبقى محبين حتى اخر العمر

هتجوزنى ولا لا ياض انت

خدنا معاد سوا ....مهو احنا لازم نشوف حل للوضع اللى احنا فيه

طيب وايه الحل ؟؟؟اتقابلنا ازيك ياحبيبتى....اهلا ياحبيبى

عملت ايه ف الشغل النهردة...... يعنى ماشى الحال بس ارفااااان...

بينى وبين نفسى ارفان الله اعلم بالنفوس ياكابتن ...بفكر افاتحه ف الموضوع ولا لا؟؟؟

بص بقة مهو خير ف سلامة وسلامة ف خير انت يابن الناس معاايا بقالك 5 سنين

مشوفتش منك حاجة غير شوية كلام وخلااااااااص ....كلام بقة انتى مشوفتيش منى غير كلام

ايوة ياحبيبى مشوفتش غير كلام ووعود وكل شويةتقولى السنة الجايةة وتيجى وتقولى اللى بعدها

وهكذا دواليك دواليك .......مهو ياحبيبتى انا مش ف مقدورى انى اجى البيت

نعم ياحبة عينى مش ف مقدورك بقالنا خمس سنييييين وجاى تقولى مش مقدورك

انا خلاص هصلع من كتر العجز بقينا شحوطة احنا الاتنين....

وان شاء الله اسم النبى حارصه وصاينه سى مقدورك هييجى امتة ؟

اهدى بس ياحبيبتى ....متقلقيش كل شىء تمااااام ان شاء الله

لا بقولك ايه تمام ايه انت تشوفلك حل وتكلمنى

ياما بقة كل واحد يروح لحاله

ياحبيبتى دة انتى قمرى ف ليل مفيهوش اى قمر ونجومى ف عز النهار

ازاى اقدر اسيبك بس ....قوليلى ازاى ازااااى ؟؟؟

هكلمك اول مشوف حل اكيد عوزة حاجة بقة ياحياتى

اما نشوف مستنيااااااااااااك

يفوت يوم اتنين اسبوع شهور ولا حس ولا خبر

الواد داب ...... دة اسمه كلام يابنات

ودى اخر الاسطوانات المشروخة بتاعت الشباب بس الاخت دى بقالها خمس سنين

حمضت ياعينى من كتر الانتظار .... بس هل كل واحدة فينا هيوصل بيها الحال انها تقول

(هتجوزنى ولا لا ياض انت ؟؟؟)

......................

يلا تيجى زى ماتيجى

سالونى كتير ...بتحبيه على ايه؟؟؟

كتير اوى كنت بخاف حد يسالنى بتحبيه ليه ؟؟؟

لانه بمنتهى البساطة مفيش سبب محدد....

طيب مهو اكيد لازم يكون ف اجابة ومقنعة كمان لكل شىء سبب

الحب الحب بييجى كدة نصيب ....بس اكيد لو هتحب شخص ما

يبقى تقول مثلا حبيته عشان هو حنين عشان طيب واحيانا عشان بيحبنى

طيب بالنسبة لى بقة ...اقول ايه .....مش عرفة انا حبيته ليه ؟؟؟

بسال نفسى كتير طب هو فيه ايه ....

ساعات بحسها حيرة وساعات تردد بس التعبير الاقرب

انى من كتر مابحب كل حاجة فيه مش عرفة انا حبيته ليه؟؟؟

مبحبش اسمع كلام الناس لانهم دايما بيفتكرونى مجنونة :D

.......................................................................

مكونتش بسمع كلام الناس لما قالوا ان مراية الحب عامية

ع فكرة هو مش وحش بالعكس دة جميل بس الناس كلها دايما تقول

انتى تستاهلى حد احسن.... الله تب وانتوا ايش اخششكوا استاهله ولا مستاهلوش

حسة ان كلامى مش مترتب اول مرة اكتب حاجة مش مترتبة

يمكن عشان افكارى متلخبطة استحمال بردك ....

عريس يامااااااااى

السلام عليكم ورحمة الله وبركاته

وانا قعدة فى حالى وبغنى متذوقينى يامامى اواااااام يامامى دة عريسى هياخدنى بالسلامة ياماااااامى

(ربنا اللى بياخد يااننى عينى )

وقعدة بقة ف بالى اقول ياسلااام مين دة اللى هيخطفنى وينشك فى مخه

وينشك ليه هو انا وحشة ولا وحشة ولا يكونش وحشة يعنى

دة حتى الواد دنجول ابن الجيران كان عاوز يتقدملى بس انا رفضت ....تؤتؤتؤتؤ

اصله واد تخين ودلوعة كدة ...... لا لا لا دنجول ايه وبتاع ايه

انا عوزة واحد كدة من بتوع شباب المستقبل ....ياسلاااااام

تقاطعنى ماما ....بت يامووووووووووووووءة

نعم نعم ياساتر هو مفيش غيرى ف البيت نعم خير الواد دنجول مات ياختى قتيعة اهو ريح

لا ياموءة جايلك عريس ....انتى قولتى ايه عرييييييييييييييييييييييييييس لولولولولولولللللللللللللللى

ودة مين دة اللى ممته بتحبه وعاوز يتقدملى .....

خالتك فتكات الخاطبة هى اللى جيبهولك

ياحببتى ياخالتى فتكات ربنا يخليكى ليا .......قوليلى يامامتى متعرفيش هييجى امتة

يوم الجمعة .... ياحلاوة يوم الجمعة اما استعد بقة ..فوووووووووووو

النهردة فرحى ياجدعان عاوز كله يبقى تمام ...

وييجى يوم الجمعة ......ومستنية بقة العريس دة

ممتى الميكب كدة كويس ..تيب الفستان كويس

طب انا حلوة ياماما ....ايوة ياحبيبتى زى القمر يلا بقة الراجل مستنى برة

حاضر ياماما طيااااااااااارة ......

اتفرجوا بقة دخلة بالصنية وعليها العصير احم احم قبل مدخل يارب يكون حلو ووسيم وطويل لالا مش اوى يعنى ادخل

..سلام عليكم ...... وعليكم السلام ورحمة الله وبركاته

قعدت وعمالة ابص هو فين العريس هم كانوا بيشتغلونى ولا ايه؟؟؟؟

ماشى يافتكات يا.....ااما ااشوفك

اضرب عينى يمين واضربها اكيد شمال الاقى واحد بس اللى قاعد

يكونش انضربوا ف نفوخهم وهو دة العريس ياحلولى ...دة بابا عمو العريس

...ودة عاوز يجوز لييييييييييه دة وانا ذنبى اييييييييييه

دة انا كنت بغنى متذوقينى ياماما مش تموتينى ياماما ...

...هعيط عوزة اعيط .كل كوم والنضارة كوم تانى تحس انه من ايام حرب الاستنزاف

احنا ف 2008 ياعم الحج هو دة شباب المستقبل .....ياعينى عليا

لا انا لازم اقوم انا كدة هفطس طب اعمل ايه ؟؟؟؟

...اول سؤال سالهولى ....انتى ازيك ياانسة موءة ....الحمد لله ...

(كنت كويسة بس من النهردة مش كويسة مش كويسة ابدا)

وانتى بقة هواياتك ايه؟؟ ملليش هوايات الحقيقة ....

( هوايات ايه ياعمى قول خيابات هبابات )

وانتى بقة خريجة كام ؟؟؟ .....2005

(وانت كام بقة 2010)

انتى مبتتكلميش ليه مكسوفة منى هههههههههه؟؟؟

ابتسمت له كدة ابتسامة من تحت لتحت وقولت (ظريف يامضروب )

وهو انا هفضل اهرى وانكت ف نفسى لا انا لازم انعنش نفسى كدة .

فتحت التلافزيون واتفرجت على الست المحروقة مرتين قبل كدة نانسى عجرم

زى مقولنا بتعجرم الجو والراجل ياخويا عينه على التليفزيون

شوف ياختى الرااااااااااجل حاجة تكسف طب وادى طافية ...مش هتمشى بقة ولاايه ؟؟

طب ياجماعة فرصة سعيدة ممكن موبيلك ياانسة موءة؟؟؟؟

لا والله معييش موبيل بعته امبارح بليل واحتمال كمان نلغى تليفون البيت ..

طيب مش مشكلة اكيد ف وسيلة اتصال تانية ...سلام عليكم ...

مع السلامة ياخويا ونكسر وراك قولتين.

..........................................

ودى اخرة المسروعة ع الجواز يلا تيجى زى ماتيجى